HULING PAKETE

Mahal kita ngunit pinapatay mo ako

Yan ang huling linyang nasa isip ko

Habang hinihithit ang huling sigarilyo

Masarap kang kasama ngunit hindi ka maaaring magtagal sa puso ko.

Ang iyong usok, kinababaliwan ko

Nais langhapin sa araw-araw ng buhay ko

Tulad ng bisyo, ika'y lilimutin ko

Tulad ng pag-ibig, ika'y ibabaon na sa limot.

Paalam taon ng pagdurusa

Ang iyong upos, ayoko nang makita

Ang tuksong ibalik ang pagmamahal sayo'y ayoko nang balikan

Ang puso ko'y puno na ng butas

Ayoko nang mautas.

Ang iyong amoy sa aking mga daliri

Ngayong tao'y pipilitin nang alisin

Mahal kita ngunit ayoko nang patali

Sayo ako'y nababaliw ngunit ito'y mali.

Paalam huling pakete,

Paalam pag-ibig.

(written after my last cigarette, the last day of 2010.)